Қўшимча функционаллар
-
Тунги кўриниш
Тошкентда бу йил баҳорда иссиқ сувни 5 кунга ўчириш режалаштирилмаяпти
Фото: Shutterstock
Veolia Energy Tashkent Тошкентда бу йил баҳорда иссиқ сувни 5 кунга ўчиришларни режалаштирмаяпти. Бу ҳақда пойтахт ҳокимлиги хабар берди.
Қайд этилишича, иссиқлик тармоқларининг гидравлик синовлари кейинроқ бошланади. Бунда, сувнинг ўчирилиши бутун шаҳарда бир вақтнинг ўзида эмас, балки кварталлар бўйича амалга оширилади.
Маълумотда айтилишича, бундай ёндашув ўтказиладиган синовлар сифатини оширади. Мутахассислар эътибори иссиқлик тармоғининг кичик бир қисмига қаратилади, текшириш батафсилроқ бўлиб, кўпроқ нуқсонларни аниқлайди.
Шу билан бирга, Тошкент шаҳар ҳокимлиги хабарида иссиқлик тармоқларининг гидравлик синовлари айнан қачон ўтказилиши борасида маълумот келтирилмаган.
Аввалроқ Тошкентда 27 мартдан 5 апрелга қадар иссиқ сув таъминотида бир кунлик узилишлар кузатилиши, иссиқлик тармоқлари синовлардан ўтказилиши хабар қилинганди.
«Иссиқлик тармоқларидаги нуқсонларни аниқлаш ва кейинги иситиш мавсуми бошланишидан олдин уларни бартараф этиш учун иссиқлик тармоқларини мўлжалланган ҳарорат бўйича синовдан ўтказиш керак», — дейилади Veolia Energy Tashkent хабарида.
Мавзуга оид
18:38 / 13.11.2024
“Шароитидан ҳам, ўқитувчиларидан ҳам қўрқиб кетдим” — Тошкентдаги ўқув марказидан одамлар норози
15:05 / 12.11.2024
Тошкент ҳавосини ифлослантириши мумкин бўлган барча объектлар назоратга олинди — ҳокимлик
22:45 / 10.11.2024
Тошкентда «закладчик»ни калтаклаган уч нафар шахс қўлга олинди
17:26 / 08.11.2024