Макрон ва фон дер Ляйен Пекинда Си Жинпинг билан учрашади

Франция президенти Эммануэл Макрон ва Европа комиссияси раҳбари Урсула фон дер Ляйен 6 апрель куни Пекинда Хитой раҳбари Си Жинпинг билан учрашиши режалаштирилган.

Фото: Bloomberg

Макрон ва фон дер Ляйен Си Жинпингни Украинадаги вазиятни тинч йўл билан ҳал қилиш учун Пекиннинг Москвага таъсиридан фойдаланиш зарурлигига кўндириш ниятида, деб хабар бермоқда dpa.

Уч томонлама учрашув таклифи Хитойда уч кунлик давлат ташрифи билан бўлган Франция раҳбари томонидан билдирилган.

Хитой Москва билан яқин алоқалари туфайли Россия ва Украина ўртасидаги можарода тинчлик ўрнатишда «муҳим рол» ўйнаши мумкин, деди Франция президенти Эммануэл Макрон. Февраль ойи охирида тақдим этилган Хитойнинг Украина бўйича «тинчлик режаси» «можаронинг ечимига ҳисса қўшиш истагидан» далолат беради, деди Макрон 5 апрель куни Пекинга ташрифининг биринчи куни.

«Хитой тегишли равишда БМТ Низомига ҳамда ҳудудий яхлитлик ва суверенитетга содиқлигини яна бир бор тасдиқлади», — деди Франция президенти. Макрон Си Жинпингни Россиядан узоқлашишга ва Россияга қурол етказиб бермасликка кўндиришга умид қилмоқда.

Макрон кетишдан олдин АҚШ президенти Жо Байден билан телефон орқали гаплашди. Уларнинг суҳбати «Франция ва Қўшма Штатларнинг умумий иродаси»ни Хитойни «биз билан бирга Украинадаги урушни тугатишни тезлаштириш ва мустаҳкам тинчлик ўрнатиш»га мажбур қилишини кўрсатди», — дейилади чоршанба куни француз дипломатик манбалари хабарида.