Қўшимча функционаллар
-
Тунги кўриниш
Кремль Путиннинг 9 майдаги анъанавий қабулини бекор қилди
Одатда шу куни Россия президенти Иккинчи жаҳон уруши қатнашчилари билан учрашиб, нутқ сўзлаб, мукофотлар топширарди.
Фото: ТАСС
Россия президенти Владимир Путиннинг матбуот котиби Дмитрий Песков РИА Новости агентлигига Кремлда бу йил анъанавий қабул бўлиб ўтмаслигини айтди. У тадбирнинг бекор қилиниши сабабларини айтмади.
Одатда шу куни Россия президенти Иккинчи жаҳон уруши қатнашчилари билан учрашиб, нутқ сўзлаб, мукофотлар топширарди. Учрашув биринчи марта бекор қилинаётгани йўқ - ўтган йили у номаълум сабабларга кўра, ундан олдин эса - коронавирус пандемияси туфайли ўтказилмаган.
Эслатиб ўтамиз, бу йил Курск ва Белгороддаги ҳарбий парадлар ўтказилмайди, улар «хавфсизлик сабабли» бекор қилинган эди. Шунингдек, аннексия қилинган Қримда ҳам ҳарбий парадлар ва «Ўлмас полк» акциялари бекор қилинди.
Кейинчалик Брянск, Калуга, Рязан, Орёл, Саратов, Калининград вилояти, Липецк, Елец, Тюмень, Нижневартовск, Сургут ва Ханти-Мансийскда парад бекор қилингани маълум бўлди.
Аввалроқ, Кремль 9 май куни пойтахтда ҳарбий парад ўтказилишини таъкидлади. Шу билан бирга, Россия оммавий ахборот воситалари Санкт-Петербургдаги парад самолётлар парвозисиз ўтказилишини ёзди.
Мавзуга оид
17:53
АҚШ разведкаси Путиннинг хориждаги мухолифлари ўлдирилишига оид махфий ҳужжатларни қисман очиқлади
16:33
Меркел: Менда ҳеч қачон Путин бўйича иллюзиялар бўлмаган
12:21
Путин: Россия жангда «Орешник» ракетасини синовдан ўтказишда давом этади
23:44 / 22.11.2024