Россия Адлия вазирлиги "чет эл агентлари" рўйхатини кенгайтирди

Россия Федерацияси Адлия вазирлиги янги шахслар ва ташкилотларни “чет эл агентлари” реестрига киритди.

Мария Певчих / Фото: Slaven Vlasic

Рўйхатни халқаро "ФБК" раҳбари Мария Певчих ва ушбу ташкилот ходими Георгий Албуров, шунингдек, Новосибирскнинг "Тайга.инфо" нашри тўлдирди.

Певчихнинг реестрга киритилишини асослаб, Адлия вазирлиги, хусусан, у "Россия Федерациясининг салбий имижини шакллантиришга қаратилган фикрларни тарқатган" ва Россия раҳбариятига қарши санксияларни омма олдида қўллаб-қувватлаганини даъво қилмоқда.

Албуров "Россия Федерацияси Қуролли кучларининг ҳаракатлари ҳақида ёлғон маълумот тарқатган" ва шунингдек, санкцияларни қўллаб-қувватлаган.

Бундан ташқари, қуйидагилар "чет эл агентлари" деб эълон қилинди: "Популярная политика" бошловчиси Ян Матвеев, публицистлар Александр Осовцов, Иван Преображенский ва Владимир Пастухов, Давлат думасининг собиқ депутати Мария Максакова-Игенбергс, кўнгилли Елена Агафонова, "Мягкая сила" аёллар ижтимоий-сиёсий ҳаракати, "СК SOS" инқироз гуруҳи.