Тошкент ва Будапешт ўртасида тўғридан тўғри авиақатновлар йўлга қўйилади

Транспорт вазири ўринбосари Жасур Чориев Венгриянинг Ўзбекистондаги фавқулодда ва мухтор элчиси Дьюла Ковач ҳамда мамлакат Ташқи ишлар вазирлиги вакили Адриенн Геобел билан учрашди.

Фото: Транспорт вазирлиги

Ўзбекистоннинг резидент авиакомпаниялари вакиллари иштирокида бўлиб ўтган учрашувда томонлар Ўзбекистон ва Венгрия пойтахтлари ўртасида тўғридан тўғри авиақатновларни йўлга қўйиш билан боғлиқ жиҳатларни муҳокама этишди.

Масаланинг техник ва иқтисодий жиҳатларини батафсил муҳокама этган ҳолда якуний тўхтамга келиш мақсадида икки мамлакат ваколатли органлари вакиллари иштирокида яқин орда музокаралар ўтказишга келишиб олинди.

#Будапешт #авиақатнов

Kun.uz янгиликларини Google News'да кузатинг

+ Обуна бўлиш