Қўшимча функционаллар
-
Тунги кўриниш
Бухоро амири қушбегиси маҳкамаси архив фонди ЮНЕСКО рўйхатига киритилди
“Бухоро амири қушбегиси маҳкамаси” деб номланган И-126 рақамли архив фонди ЮНЕСКОнинг “Жаҳон хотираси” дастури рўйхатига киритилди. Бу ҳақда "Ўзархив" агентлиги ахборот хизмати раҳбари Анвар Алиев маълум қилди.
Фото: Reuters
Ўзбекистон Миллий архивида сақланаётган “Бухоро амирлиги қушбеги девонхонаси” архив фонди ҳужжатлари тўплами Ўрта Осиё ҳукмдорларининг осиё тилларида (араб, форс, чиғатой ва туркий) тўпланган ҳужжатли мероси сақланадиган йирик архивлардан бири ҳисобланади.
Барча ҳужжатлар асл ва ҳақиқийдир. Ҳужжатларнинг аксарияти Бухоро амирлари (амир Музаффар, Абдулаҳад ва амир Олимхон), шунингдек, махсус ваколатли амалдорлар томонидан имзоланган (қози, шайхулислом, муфтийлар, муҳрлар билан тасдиқланган).
ЮНЕСКО “Жаҳон хотираси” реестри ҳужжатли мерос-қоғоз, аудиовизуал, рақамли ёки бошқа ҳар қандай форматдаги муҳим ва доимий қийматга эга бўлган ҳужжатлар ёки ҳужжатлар тўпламининг қайтариб бўлмайдиган йўқотилиши олдини олиш, асраш ва кенг жамоатчиликка етказишга қаратилган дастур ҳисобланади.
Ўзбекистондан ушбу реестрга жами 5 та ҳужжат киритилган бўлиб, “Бухоро амири қушбегиси маҳкамаси” фонди 4-ҳисобланади.
Мавзуга оид
12:01 / 09.11.2024
Бухорода 16 ёшли бола ўнлаб шахслар номига кредит олиб, онлайн қиморга тикиб юборди. У қамоққа олинган
11:34 / 06.11.2024
Бухорода 1 млрд сўмдан зиёд электрдан ноқонуний фойдаланган тадбиркор аниқланди
15:04 / 03.11.2024
Бухорода хотинига оғир тан жароҳати етказган шахс қамоқдан озод қилиниб, шартли жазо тайинланди
20:48 / 09.10.2024