Тошкентда "Нексия-2" йўл ўртасида қазилган чуқурликка тушиб кетди

Тошкент шаҳрининг Чилонзор тумани 19-мавзе, Катта Хирмонтепа кўчаси 56-уй қаршисида йўлнинг қатнов қисми юқори кучланишли электркабелда юзага келган носозлик туфайли қазилган.

Тошкент шаҳар ИИББ Йўл ҳаракати хавфсизлиги бошқармаси хабарига кўра, қазиш ишларини Чилонзор тумани электр тармоқлари тезкор авария-тиклаш гуруҳи 16 июнь 15:30 ларда  амалга оширган.

Жорий йилнинг 16 июнь куни соат 21:30 ларда айнан шу қазилган жойдаги чуқурликка "Нексия-2" автомашинаси тушиб кетган.

Қайд этилишича, таъмирлаш жойи йўл белгилари билан жиҳозланган.

Ҳолат бўйича тан жароҳат олганлар ҳақида навбатчилик қисмига маълумот келиб тушмаган.