Қўшимча функционаллар
-
Тунги кўриниш
Россиялик божхоначилар Ўзбекистонга жўнатилган бананлар орасида 50 кг кокаин топишди
Гиёҳванд моддалар Африкадан Европа давлатлари орқали Ўзбекистонга юборилган банан юкланган контейнерга яширилган бўлган. Унинг қора бозордаги тахминий қиймати 5,3 миллион доллардан ошади.
Фото: Россия федерал божхона хизмати
Россия Федерациясининг Санкт-Петербург портида божхоначилар бананлар орасига усталик билан жойлаштирилган 50 кг кокаинни аниқлашди. Бу ҳақда Федерал божхона хизмати хабар берди.
Ҳужжатларга кўра, юклар Африка қитъаси давлатларидан Европа орқали Ўзбекистонга турли денгиз кемаларида транзит орқали келган. Наркотик модда божхоначилар томонидан контейнерни сканерлаш чоғида аниқланган.
Контрабанда махсус ўрамларда, музлаткичли контейнерлардан бирининг қобиғига жойлаштирилганди. Текширув натижасида плёнкага қадоқланган, оқ кукун солинган 50 дона брикет топилган. Экспертиза давомида ушбу модда кокаин гиёҳвандлик моддаси экани тасдиқланган.
Топилган стимуляторнинг умумий қиймати 5,3 миллион доллардан ошади. Мазкур ҳолат юзасидан Россия Жиноят кодексининг “Гиёҳвандлик воситалари контрабандаси” моддаси билан жиноят иши қўзғатилган.
Мавзуга оид
22:04 / 16.09.2024
Қирғизистондан Ўзбекистонга от уюрини ноқонуний ҳайдаб ўтмоқчи бўлганлар ушланди
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
21:36 / 30.08.2024