Даъво аризасини қаноатлантириш эвазига 50 минг доллар сўраган шахс ушланди
У келишилган пулдан 25 минг долларини қўлга киритиб, қолган 25 минг долларни олган вақтида ушланган.
Бош прокуратура ҳузуридаги Департамент томонидан ДХХ ва ИИВ ходимлари билан ҳамкорликда ўтказилган тезкор тадбирда даъво аризасини қаноатлантириш эвазига катта миқдорда пул сўраган шахс ушланди.
Қайд қилинишича, У.Д. Россия фуқароси А.Ш. ва бошқаларнинг «Ў.Т» корхонасига етказиб берган ишлаб чиқариш ускуналари учун 3,6 млн долларни ундириш ҳақидаги Тошкент шаҳар иқтисодий судига киритган даъво аризасини гўёки юқори лавозимда ишловчи танишлари ёрдамида қайта кўриб чиқилишини таъминлаб, даъво аризасини қаноатлантириш ҳақида қарор чиқартириб беришини айтган. Бунинг эвазига 50 минг доллар сўраган ва келишилган пулдан 25 минг долларини қўлга киритиб, қолган 25 минг долларни олган вақтида ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга оид
19:11 / 22.04.2024
Telegram аккаунтларини ўғирлашнинг янги усули аниқланди
14:01 / 19.04.2024
Савдо-саноат палатаси Навоий вилояти бошқармаси бошлиғи фирибгарлик ва пора беришда гумонланмоқда
15:19 / 11.04.2024
Андижонда 42 млрд сўмлик йўл лойиҳасини олиб беришни ваъда қилган шахслар қўлга олинди
19:21 / 09.04.2024