Da’vo arizasini qanoatlantirish evaziga 50 ming dollar so‘ragan shaxs ushlandi
U kelishilgan puldan 25 ming dollarini qo‘lga kiritib, qolgan 25 ming dollarni olgan vaqtida ushlangan.
Bosh prokuratura huzuridagi Departament tomonidan DXX va IIV xodimlari bilan hamkorlikda o‘tkazilgan tezkor tadbirda da’vo arizasini qanoatlantirish evaziga katta miqdorda pul so‘ragan shaxs ushlandi.
Qayd qilinishicha, U.D. Rossiya fuqarosi A.Sh. va boshqalarning «O‘.T» korxonasiga yetkazib bergan ishlab chiqarish uskunalari uchun 3,6 mln dollarni undirish haqidagi Toshkent shahar iqtisodiy sudiga kiritgan da’vo arizasini go‘yoki yuqori lavozimda ishlovchi tanishlari yordamida qayta ko‘rib chiqilishini ta’minlab, da’vo arizasini qanoatlantirish haqida qaror chiqartirib berishini aytgan. Buning evaziga 50 ming dollar so‘ragan va kelishilgan puldan 25 ming dollarini qo‘lga kiritib, qolgan 25 ming dollarni olgan vaqtida ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga oid
19:11 / 22.04.2024
Telegram akkauntlarini o‘g‘irlashning yangi usuli aniqlandi
14:01 / 19.04.2024
Savdo-sanoat palatasi Navoiy viloyati boshqarmasi boshlig‘i firibgarlik va pora berishda gumonlanmoqda
15:19 / 11.04.2024
Andijonda 42 mlrd so‘mlik yo‘l loyihasini olib berishni va’da qilgan shaxslar qo‘lga olindi
19:21 / 09.04.2024