Автобусни тошбўрон қилган 14 йигит 15 суткага қамалди
Самарқанд вилояти Оқдарё тумани ҳудудида Бухоро-Тошкент йўналиши бўйича қатновчи автобус бир гуруҳ йигитлар томонидан тошбўрон қилингани ҳақида хабар берилганди. Айни вақтда воқеада иштирок этган 14 нафар йигит ушланган.
Самарқанд вилояти ички ишлар бошқармаси берган маълумотга кўра, 2023 йил 28 июл куни соат тахминан 14:00 да Ғаллаорол тумани ҳудудидан ўтувчи М-39 автомобил йўлида вилоятлараро йўловчи ташувчи автобус ҳайдовчиси у билан бир йўналишда ҳаракатланиб кетаётган “Дамас” русумли автомашина ҳайдовчиси билан йўл талашиб ўзаро тортишиб қолишган.
Шундан сўнг “Дамас” ҳайдовчиси Й.Ш. Самарқанд вилояти Оқдарё тумани Ойтамғали маҳалласи ҳудудидан ўтган М-37 автомобил йўлида танишлари билан автобус йўлини тўсиб, ҳаракатланишига йўл қўймасдан, транспортга шикаст етказган.
Ҳодисада ҳеч ким тан жароҳати олмаган.
ИИБнинг қўшимча маълумот беришича, воқеада иштирок этган 14 нафар шахсга нисбатан 15 суткадан маъмурий қамоқ жазоси тайинланган.
Мавзуга оид
19:00 / 13.09.2024
Ургутда табиатга 1 млрд сўмдан ортиқ зарар етказилгани маълум бўлди
13:30 / 01.09.2024
Самарқандда 10 минг долларга гиёҳвандлик моддасини сотаётган шахслар ушланди
13:40 / 11.08.2024
Самарқандда далаҳовлисида 670 туп каннабис ўстираётган шахс ушланди
13:33 / 04.08.2024