Қибрай туманига янги ҳоким тайинланди

Оҳангарон тумани прокурори Музаффар Рашидов Қибрай туманининг янги ҳокимига айланди.

Фото: Тошкент вилояти ҳокимлиги

Адлия маслаҳатчиси Музаффар Аброрович Рашидов Халқ депутатлари Қибрай тумани Кенгашининг қарори билан туман ҳокими этиб тайинланди.

Музаффар Рашидов 1987 йили Тошкент вилояти Зангиота туманида туғилган. Маълумоти – олий. 2009 йилда Тошкент давлат юридик институтини тамомлаган.

Лавозимга тайинлангунга қадар, Оҳангарон тумани прокурори лавозимида ишлаб келаётган эди.

Қибрай туманига 2018 йил июл ойидан буён раҳбарлик қилиб келган Мирагзам Қосимов 2023 йил август ойи бошида президентнинг Тошкент вилоятига ташрифи вақтида ўтказилган видеоселекторда ишдан олинганди.