Мигрантларга оилаларини Россияга олиб бориш тақиқланиши мумкин
Россия Давлат Думасида меҳнат мигрантларига оиласини Россияга олиб боришни тақиқлаш таклифи янгради. Ташаббускорларга кўра, бу чора бюджет харажатларини камайтиради. Чунки оилада бир одам ишлаяпти, қолганлари эса ижтимоий қўллаб-қувватлашга муҳтож.
Россияга ишлаш учун келган шахслар оиласи, хотини, болалари, ота-онасини олиб келиш ҳуқуқига эга бўлмаслиги керак, деди Коммунистик партиясидан Давлат Думаси депутати Михаил Матвеев. Унинг таъкидлашича, оилада фақат бир киши меҳнат қилмоқда, қолганлари эса Россия давлати харажатларига муҳтож.
«Россияга ишлаш учун келган ва патент олган шахслар оиласи, хотини, болалари, ота-онасини олиб келиш ҳуқуқига эга бўлмаслиги керак. Улардан бир нафари ишлайди, қолган 5-7 нафари ишламайди. Улар Россиянинг ижтимоий таъминотига - бепул мактаб, болалар боғчаси, тиббий ёрдамига муҳтож. Буни визасиз режимни сақлаб турган ҳолда амалга ошириб бўлмайди. Бу виза режимини жорий қилиш зарурлигини билдиради, гарчи мен бунга тайёр эканимизга қаттиқ шубҳа қилсам ҳам», деди Матвеев.
Депутатнинг фикрича, агар бунга чора кўирлмаса, россиялик солиқ тўловчиларнинг «бўйнига ўтирадиганлар» сони янада кўпаяди.
Аввалроқ Матвеев Марказий Осиё ва Кавказортидан келган мигрантларга Россия фуқаролигини бериш бўйича тезлаштирилган жараённи уч ойга тўхтатиб қўйишга чақирган эди. Депутатнинг эслатишича, деярли ҳар куни Россия фуқаролигини олишнинг ноқонуний схемалари ошкор қилингани ҳақида хабарлар пайдо бўлмоқда.
Матвеев сўзларига кўра, Россия паспорти, яшаш учун рухсатнома олиш жараёнларида ноқонуний ҳолатлар «жуда яхши йўлга қўйилган» ва бу катта бизнесга айланган.
Мавзуга оид
15:11 / 13.10.2024
Анатолий Собчакнинг сирли ўлими: Россиядаги таниқли сиёсатчининг жонига қасд қилинганмиди?
23:55 / 12.10.2024
Ҳиндистон Россияга тақиқланган технологияларни етказиб бермоқда — Bloomberg
22:55 / 12.10.2024
Тожикистон Омбудсамни мигрантлар ҳуқуқлари бузилаётгани сабабли Россия расмийларига мурожаат қилди
21:00 / 12.10.2024