Туркманистон президенти мингдан ортиқ маҳкумни афв этди
Сердар Бердимуҳамедов ҳуқуқ-тартибот идоралари раҳбарларига зарур ишларни олиб бориш бўйича кўрсатмалар берди.
Туркманистон президенти Сердар Бердимуҳамедов мустақилликнинг 32 йиллиги муносабати билан 1180 нафар маҳкумни афв этди, деб хабар бермоқда Туркманистон ОАВ.
Туркманистон раҳбари тегишли фармонни Давлат хавфсизлик кенгаши аъзолари иштирокида бўлиб ўтган вазирлар маҳкамасининг кенгайтирилган йиғилишида имзолади.
Бердимуҳамедов ҳуқуқ-тартибот идоралари раҳбарларига афв этилганларнинг қамоқдан озод этилиши ва тез орада оиласи бағрида бўлиши учун зарур ишларни амалга оширишни топширди.
Вилоят, шаҳар ва туманлар ҳокимларига афв этилган шахсларни иш билан таъминлаш бўйича зарур чоралар кўриш топширилди.
Туркманистонда мустақиллик куни 27 сентябрда нишонланади.
Мавзуга оид
18:51 / 12.10.2024
Ашхободдаги кўчага президентни даволаган немис шифокорининг номи берилди
13:35 / 08.10.2024
«Аркадаг» қаторасига иккинчи йил очко йўқотмасдан Туркманистон чемпиони бўлди
16:14 / 03.09.2024
“Жаҳаннам дарвозаси”. Туркманистондаги энг диққатга сазовор жойлардан бири бўлган газ кратери ҳақида нималар маълум?
17:24 / 15.08.2024