Қўшимча функционаллар
-
Тунги кўриниш
НАТО Россияни кузатиш учун Литвага самолётлар юборади
Узоқ масофадан радиолокацион аниқлаш ва бошқариш бўйича иккита AWACS самолёти Шауляй ҳудудига етиб келади.
Шимолий Атлантика алянси Россия ҳарбий фаолиятини кузатиш учун Литвага узоқ масофадан радиолокацион аниқлаш ва бошқариш бўйича иккита AWACS самолётини юборади. Бу ҳақда НАТО тарқатган хабарда айтилади.
Самолёт Шауляй ҳудудига яқин кунларда етиб келиши кутиляпти.
Алянс матбуот котиби Дилан Уайтнинг айтишича, Россиянинг Украинага ҳужумидан кейин Болтиқбўйи минтақасида кескинлик кучайган.
«AWACS юзлаб километр узоқликдаги бошқа самолётлар ва ракеталарни аниқлай олади», деди Уайт.
НАТО самолётлари Германиянинг Гайленкирхендаги авиабазасидан Литвага юборилади. Литвада жами 150 нафар ҳарбий хизматчи келади ва камида бир неча ҳафта давомида мамлакатда қолади.
2022 йил феврал ойида Украинада можаро бошланганидан бери AWACS самолётлари Россия қирувчиларини кузатиш учун Шарқий Европада юзлаб парвозларни амалга оширди. Бундан ташқари, алянс шарқий қанотда ҳаводаги кучларини оширди. Минтақага кўплаб қирувчи самолётлар, разведка ва кузатув самолётлари, ёнилғи самолётлари жойлаштирилди.
Мавзуга оид
13:11 / 28.05.2025
NYT: Россия Запорижжя АЭСни ўз энерготизимига улашни режалаштирмоқда
10:23 / 28.05.2025
Давлат департаменти спикери: Россия Трампнинг сўзларини жиддий қабул қилиши керак
09:03 / 28.05.2025
WSJ: Трамп Россияга қарши санкцияларни кучайтириш ҳақида ўйлаяпти
21:34 / 27.05.2025