Қўшимча функционаллар
-
Тунги кўриниш
Тошкент ва Гулистонда одамларни фирибгарлик йўли билан АҚШга жўнатмоқчи бўлган шахслар ушланди
ДХХ ва Иқтисодий жиноятларга қарши курашиш департаменти ходимлари Тошкент ва Гулистон шаҳарларида фуқароларни 2000 ва 2300 доллар эвазига АҚШга юборишни ваъда қилган шахсларни қўлга олди.
Фото: Иқтисодий жиноятларга қарши курашиш департаменти
Бош прокуратура ҳузуридаги Иқтисодий жиноятларга қарши курашиш департаменти ва Давлат хавфсизлик хизмати ходимлари Гулистон ва Тошкент шаҳарларида АҚШга юборишни ваъда қилган икки шахсни ушлади.
Хусусан, Сирдарё вилояти Гулистон шаҳрида С.С. фуқаро Ж.Р.га танишлари ёрдамида Польша орқали АҚШга ишлашга юборишни ваъда қилган. У ўз хизматлари учун 2300 доллар талаб қилиб, виза ҳужжатларини расмийлаштириш учун 900 доллар ва 1,2 млн сўм олаётган вақтида қўлга олинди.
Тошкентда эса фуқаро Х.З.ни танишлари орқали АҚШга жўнатишни ваъда қилган фуқаро Ж.Т. 2000 доллар олаётган вақтида ушланди.
Мазкур ҳолатлар юзасидан Жиноят кодексининг 168-моддаси (Фирибгарлик) ва 211-моддаси 28-моддаси (Пора беришга шерик бўлиш) билан жиноят иши қўзғатилган. Ҳозирда тергов ҳаракатлари олиб борилмоқда.
Мавзуга оид
19:44 / 19.11.2024
Йўл қурилиши бўйича буюртма олиб бериш эвазига 50 минг доллар талаб қилган шахс ушланди
20:20 / 13.11.2024
Тошкентда ЭКУ маркази устидан жиноят иши қўзғатилди
07:46 / 07.11.2024
ИИББ интернетда фирибгарликнинг янги кўриниши авж олгани ҳақида огоҳлантирди
19:06 / 01.11.2024