Ўзбекистон ва Қирғизистон ректорларининг биринчи форуми бўлиб ўтади

Ўшдаги Қирғиз-ўзбек университетида Ўзбекистон-Қирғизистон олий таълим муассасалари ректорларининг I халқаро форуми ташкил этилади.

Жорий йил 3-4 октябр кунлари Қирғизистоннинг Ўш шаҳридаги Қирғиз-ўзбек университетида «Олий таълим тизимида интеграция, ҳамкорлик ва инновациялар» мавзусидаги Ўзбекистон-Қирғизистон олий таълим муассасалари ректорларининг I халқаро форуми ташкил этилади.

Форумда икки давлат олийгоҳлари ўртасидаги ҳамкорликни янада ривожлантириш, тажриба алмашиш, қўшма илмий лойиҳаларни амалга ошириш имкониятлари кўриб чиқилади ва олий таълим трансформацияси муҳокама қилинади.

Тадбирда икки мамлакатдан 70 га яқин олий таълим муассасалари ректорлари ва бошқа йирик таълим ташкилотлари вакиллари қатнашади.