Қўшимча функционаллар
-
Тунги кўриниш
Россия суди 16 ёшли ўсмирни диверсияга уринишда айблаб, ҳибсга олди
Буйнаксклик ўсмир 5 мартгача тергов изоляторига жўнатилди. Тергов уни Шагол ҳарбий аэродромида Су-34 самолётини ёқиб юборишга уринганликда айбламоқда. «ФСБ» маълумотларига кўра, у Украина махсус хизматлари томонидан ёлланган.
Челябинскнинг Тракторозаводск туман суди 7 январ, якшанба куни ҳарбий объектга диверсия уюштиришга уринишда айбланган доғистонлик 16 ёшли ўсмирни ҳибсга олди. Судя терговчи ва прокурорнинг буйнаксклик фуқарони 5 мартгача тергов изоляторига жойлаштириш ҳақидаги илтимосини қаноатлантирди.
Челябинск яқинидаги Шагол ҳарбий аэродромида ўсмир Су-34 товушдан тез учувчи қирувчи-бомбардимончи самолётига ўт қўймоқчи бўлган, дея иддао қилган терговчилар. Ҳодиса январ ойида содир бўлди, самолётдаги ёнғин тезда ўчирилди, дея аниқлик киритмоқда Челябинск ОАВ.
«ФСБ» Украина махсус хизматларини воқеага алоқадор деб ҳисоблаяпти
Россия Федерал хавфсизлик хизмати ходимлари ўсмирни 5 январ куни қўлга олди. Махсус хизмат маълумотларига кўра, йигит «Украина махсус хизматларининг кўрсатмалари билан» ҳаракат қилган ва ижтимоий тармоқлар орқали ёлланган. Бундан ташқари, у 2023 йилнинг ноябр ва декабр ойларида Доғистондаги алоқа объектлари ва темирйўл инфратузилмасига ўт қўйишда иштирок этган, дея таъкидлайди «ФСБ».
Украина Мудофаа вазирлигининг Бош разведка бошқармаси 4 январга ўтар кечаси Шагол аэродромида Су-34 самолёти ёниб кетгани ҳақида аввалроқ хабар берган эди. Россия Мудофаа вазирлиги воқеа юзасидан изоҳ тақдим этмади.
Тавсия этамиз
Божларни музлатган Трамп, урушдан силласи қуриган Судан – ҳафта дайжести
Жаҳон | 12:50 / 13.04.2025
Сирли эшиклар ва яширин йўлаклар: Тошкент метроси хавфсиз бошпана бўла оладими?
Ўзбекистон | 10:00 / 12.04.2025
Leapmotor автомобилларининг Ўзбекистонга импорти чеклангани юзасидан изоҳ берди
Ўзбекистон | 15:52 / 11.04.2025
“Яқин кунларда рекорд иссиқлик тўлқини кутилмоқда” – иқлимшунос Эркин Абдулаҳатов
Ўзбекистон | 13:00 / 10.04.2025
Мавзуга оид
16:59 / 14.04.2025
«Крокус» терактида айбланаётган тожикистонликлар ақли расо деб топилди
14:07 / 14.04.2025
Россияда мушкул аҳволда қолган оила Ўзбекистонга қайтарилди
10:30 / 14.04.2025
Шолц Россиянинг Суми шаҳрига зарбасини «ваҳшиёна ҳужум» деб атади
22:54 / 13.04.2025
Кремл Россия ва АҚШ музокараларидан «дарҳол натижалар» кутмасликка чақирди
