Тошкентда «ВАЗ-2107» ёниб кетди

Ёнғин Шайхонтоҳур туманидаги Ўқчи маҳалласи ёнида юз берган. У ўт ўчирувчилар томонидан бартараф этилди, тан жароҳати олганлар йўқ.

Фото: Йўл ҳаракати хавфсизлиги бошқармаси

Шайхонтоҳур туманида "ВАЗ-2107" автомобили ёниб кетди. Тошкент шаҳар ИИББ Йўл ҳаракати хавфсизлиги бошқармаси ҳодиса юзасидан маълумот берди.

Бугун, 2024 йил 10 январ куни соат 09:46 ларда, Тошкент шаҳар, Шайхонтоҳур тумани, "Ўқчи" МФЙ, Б.Зокиров кўчаси, 2-уй олдида тўхтаб турган, фуқаро Д.С.га тегишли "ВАЗ-2107" русумли автомобилда электр симларида қисқа туташув оқибатида ёнғин юзага келган.

Маълум қилинишича, ёнғин ўт ўчирувчилар томонидан бартараф этилган. Тан жароҳати олганлар йўқ.