Қўшимча функционаллар
-
Тунги кўриниш
Чирчиқда боғча тарбиячиси болани уриб, ҳожатхонага қамаб қўйди
Хусусий мактабда рўй берган воқеада тарбиячи болани тушлик пайтида ухлай олмай йиғлагани учун бир неча марта уришиб, кейин уриб, ҳожатхонага қамаб қўйган. Ҳозирда тарбиячи ишдан олинган, терговга қадар текширув кетяпти. Болалар омбудсмани бундай ҳаракатлар жавобсиз қолмаслиги ва боланинг манфаатларини ҳимоя қилиш учун ҳолатни назоратга олган.
Видеодан кадр
Ижтимоий тармоқларда “Чирчиқдаги боғчада мураббий болакайни урганликда айбланмоқда” сарлавҳаси остида видео тарқалди. Болалар омбудсмани ҳолатни назоратга олганини маълум қилди.
Аниқланишича, воқеа Чирчиқ шаҳридаги хусусий боғчада 8 феврал куни рўй берган. Боғча тарбиячиси оилавий сабабларга кўра асабий ҳолатда бўлгани туфайли тушлик пайтида ухлай олмай йиғлаётган болага бир неча бор қаттиқ бақириб, сўнг болани уриб, ҳожатхонага қамаб қўйган.
Ҳозирда бу тарбиячи Меҳнат кодексининг 161-моддасининг 5-банди (ходимнинг ўз меҳнат мажбуриятларини бир марта қўпол равишда бузгани учун меҳнат шартномасини бекор қилиш) асосида лавозимидан озод этилган.
Ҳолат юзасидан туман ИИБ томонидан терговга қадар текширув олиб борилмоқда ва тарбиячининг ҳаракатига ҳуқуқий баҳо берилмоқда.
“Тарбиячи томонидан бу тарздаги жазо усулининг қўлланиши боланинг манфаатларига мутлақо зиддир.
Боланинг руҳий-эмоционал соғлиғига, шаъни ва қадр-қимматига путур етказувчи бундай ҳаракатлар жавобсиз қолиши мумкин эмас!” – дейилади Болалар омбудсмани баёнотида.
Бола ҳуқуқлари бўйича вакил бу факт бўйича боланинг қонуний манфаатларини таъминлаш юзасидан ўз кузатувини қатъий давом эттиради. Таъкидланишича, бу борада қўшимча маълумот берилади.
Мавзуга оид
19:03
"16 ёшли" аёлнинг 1 яшар эгизак фарзанди. Эрта никоҳни тарғиб қилганлар огоҳлантирилди
14:33 / 21.11.2024
Нега ўзбек ота-оналари боласини рус синфларига беради?
17:14 / 20.11.2024
Чирчиқ шаҳрида 4 туп ёнғоқни кесган шахс табиатга 247 миллион сўм зарар етказди
09:31 / 20.11.2024