Қўшимча функционаллар
-
Тунги кўриниш
Қозоғистонда бўлиб турган ўзбекистонликлар огоҳлантирилди
Кузатилаётган совуқ ҳаво туфайли Қозоғистонда бўлиб турган Ўзбекистон фуқароларидан зарурат бўлмаганда узоқ масофали йўлларга машинада чиқмаслик сўралмоқда.
Фото: Tengrinews.kz/Турар Казангапов
Ташқи меҳнат миграцияси агентлиги совуқ ҳаво ҳарорати сабабли Қозоғистонда бўлиб турган ва транзит йўналишида ҳаракатланаётган Ўзбекистон фуқароларига огоҳлантириш билан чиқди.
Маълум қилинишича, сўнгги кунларда Қозоғистон Республикасининг ҳудудларида об-ҳавонинг кескин совуши натижасида йўлларда ҳаракатланиш билан боғлиқ қатор ноқулайликлар юзага келмоқда.
Шунингдек, яқин ҳафталар давомида ҳам совуқ ҳаво ҳарорати сақланиб қолиши сабабли республика даражасидаги автойўлларда ҳаракатланиш чекланган.
“Шу муносабат билан, ушбу давлатда бўлиб турган Ўзбекистон фуқароларидан йўлларда ҳаракатланишда барча хавфсизлик қоидаларига қатъий риоя қилишни, хавфсиз транспорт воситаларидан фойдаланишни, зарурат бўлмаганда узоқ масофали йўлларда транспорт воситаларида ҳаракатланмасликни сўраймиз”, дейилади агентлик хабарида.
Мавзуга оид
22:00 / 08.11.2024
Россияда «дворник»ларнинг ўртача иш ҳақи деярли 30 фоиз ошди
21:01 / 08.11.2024
Россия Ички ишлар вазирлиги мигрантларнинг сохта никоҳларини оммавий равишда бекор қилади
16:48 / 04.11.2024
Россияда мигрантлар учун имтиҳонларнинг ягона нархлари белгиланади
18:17 / 02.11.2024