Ўқувчиларни калтаклаган ўқитувчига судга оид психиатрия экспертизаси тайинланди
Ижтимоий тармоқларда тарқалган ва ўқитувчининг дарс пайтида ўқувчиларни аёвсиз калтаклагани тасвирланган видеога Болалар омбудсмани томонидан муносабат билдирилди.
Хоразм вилоятида 1-синф ўқувчиларининг ўқитувчи томонидан калтаклангани юзасидан терговга қадар текширув бошланди. Бу ҳақда Болалар омбудсмани Сурайё Раҳмонова хабар берди.
Қайд қилинишича, Хоразм вилояти, Хонқа туманидаги 36-сон мактабнинг бошланғич таълим «Меҳнат» фани ўқитувчиси M.A. 23 феврал куни 1-А синф ўқувчиларини, жумладан, 2016 йилда туғилган қиз бола ва 2 нафар ўғил болани дарс пайтида назорат ишини тўғри бажармаганлиги учун калтаклаган.
26 февралда ўқитувчининг бундай ноқонуний ҳаракатлари юзасидан Хонқа тумани ИИБ терговга қадар текширув бошлаган. Ўқувчиларга нисбатан судга оид тиббий экспертиза, ўқитувчига нисбатан судга оид психиатрия экспертизаси тайинланган.
Аввалроқ, терговга қадар текширув Хоразм вилояти прокуратураси томонидан назоратга олингани ҳақида хабар берилган эди.
Мавзуга оид
20:45 / 19.09.2024
“Зўравонлик, самосуд ва қўрқув машинаси билан ходимларни ишлатиш қадриятга айланган” – Inbazar воқеасига фаоллар нигоҳи
18:40 / 18.09.2024
Урганч давлат университети томонидан ўтказилган тендерда қонунбузилиши аниқланди
19:39 / 16.09.2024
Inbazar дўконида ходимни урган қоровул 7 суткага қамалди
19:26 / 16.09.2024