Россия Алексей Навалний билан хайрлашди. Фотосуратлар

Расмийларнинг қаттиқ қўрқитишларига қарамай, Москвада марҳум сиёсатчи хотирасига ҳурмат бажо этиш учун минглаб кишилар йиғилди.

2024 йил 1 март куни Москвада Алексей Навалний билан видолашув маросими ўтказилди. Россияда амалда ҳар қандай кўча акциялари бекор қилинганига қарамай, жаноза маросими ўтказилган Мариньо районидаги «Утоли моя печали» («Қайғумни арит») черковида ҳамда Борисов қабристонида минглаб кишилар йиғилди, улар орасида Европа мамлакатлари ва АҚШ дипломатлари, шунингдек россиялик сиёсатчилар Евгений Ройзман, Борис Надеждин ва Екатерина Дунцова ҳам бор эди. Полиция олдиндан черков ҳудудини металл тўсиқлар билан ўраб олди, ибодатхона атрофида интернет узилишлар билан ишлади. Жаноза маросимидан кейин Навалнийнинг дафн маросими ўтказилган Борисов қабристони жума куни келувчилар учун ёпиб қўйилганди — аммо у ерга ҳам минглаб кишилар борди. Қуйида сўнгги вақтларда Россиядаги энг йирик акцияга айланган дафн маросимидан асосий суратлар келтирилади.