Абдулла Арипов Россиянинг Ўзбекистондаги элчихонасига ташриф буюрди
Абдулла Арипов РФ элчиси Олег Малгинов орқали бутун Россия халқига таъзия билдирди.
Бугун, 25 март куни Ўзбекистон бош вазири Абдулла Арипов Россия Федерациясининг мамлакатдаги элчихонасига ташриф буюрди.
Бош вазир матбуот котиби хабарига кўра, Абдулла Арипов РФ элчиси Олег Малгинов орқали бутун Россия халқига таъзия билдирган.
Аввалроқ, Бош вазир Россия Федерацияси ҳукумати раиси Владимир Мишустинга Москва вилоятидаги Crocus City Hall мажмуасида содир бўлган теракт оқибатида кўплаб инсонлар ҳалок бўлгани ва оғир жароҳат олгани муносабати билан ҳамдардлик мактубини юборган эди.
Москва шаҳри яқинидаги Crocus City Hall концерт залида содир этилган теракт оқибатида ҳалок бўлган 137 кишининг жасади топилган, ҳудудни кўздан кечириш ишлари давом эттирилмоқда. Бу ҳақда Россия Тергов қўмитаси хабар берди.
Айни вақтга келиб 62 жасаднинг шахси аниқланган, қолганлари бўйича экспертиза ўтказилмоқда.
Мавзуга оид
21:22 / 04.10.2024
Россияда ноқонуний миграция тугатилгани эълон қилинди
18:17 / 04.10.2024
Бош вазир Абдулла Арипов шахмат федерациясига раислик қилади
22:17 / 01.10.2024
Абдулла Арипов Ереванда Эрон биринчи вице-президенти билан учрашув ўтказди
00:57 / 10.09.2024