Россия эгаллаб олган Токмакнинг ўққа тутилиши оқибатида 16 киши ҳалок бўлди

Россия томонидан тайинланган маъмурият раҳбари Запорижжя вилоятидаги Токмак шаҳрини ўққа тутишда 16 киши ҳалок бўлганини маълум қилди.

Фото: Yuri Voytkevich/Sputnik/SNA/IMAGO

Украина қуролли кучлари томонидан Запорижжя вилоятида Россия қўшинлари томонидан эгаллаб олинган Токмак шаҳрининг ўққа тутилиши натижасида қурбонлар сони 16 кишига етди. Бу ҳақда Россия томонидан тайинланган минтақа «губернатори» Евгений Балицкий 14 апрел, якшанба куни ўзининг Telegram-каналида маълум қилди. Ҳалок бўлганлар орасида уч нафар бола ҳам бор. Балицкийнинг сўзларига кўра, зарбадан жабрланган 20 кишидан 12 нафари касалхонада оғир аҳволда, яна саккиз киши стационар даволанишга ўтказилган.

Запорижжя вилоятининг Россия томонидан тайинланган маъмурияти раҳбари сўзларига кўра, зарба 12 апрел куни Токмак шаҳридаги кўп хонадонли секторга берилган. Натижада 25 та хусусий сектор ва 9 та кўп қаватли уй газсиз қолган.

Украина қуролли кучлари вакиллари воқеа юзасидан изоҳ бермади.

#Россия #Токмак