Россияда мураккаб вазиятда қолган ўзбекистонликларга моддий ёрдам берилди

Россияда мураккаб вазиятдаги ўзбекистонликларга моддий ёрдам берилди, деб хабар бермоқда Ташқи меҳнат миграцияси агентлиги.

Фото: Ташқи меҳнат миграцияси агентлиги

Рязандаги “Русский промисел”, “Балт Ост”, “Полимердор”, “Стройблок”, Новосибирскдаги “КабелСтрой”, “ЧасСтрой” корхоналарида ишлаётган фуқаролар ва уларнинг иш берувчилари билан учрашув ташкил этилди.

Волгоград, Новосибирск, Перм ва Рязанда мураккаб вазиятда қолган юртдошларга моддий ва ҳуқуқий ёрдам кўрсатилди. Воронежда молиявий қийин аҳволда қолган фуқаро Москва - Бухоро йўналишидаги авиарейс орқали ватанга қайтарилди.

Новосибирскда вақтинча меҳнат фаолиятини амалга ошираётган фуқароларнинг ҳужжатлари иш берувчидан олиб берилди.