Қўшимча функционаллар
-
Тунги кўриниш
Профессионал таълим муассасалари битирувчилари Британияга ишга юборилиши мумкин
Жорий йилдан бошлаб Британиянинг Chevening таълим грантлари сони Ўзбекистон учун икки баробар оширилди.
Фото: gov.uz
25 апрел куни олий таълим, фан ва инновациялар вазири Қўнғиротбой Шарипов Британиянинг мамлакатдаги фавқулодда ва мухтор элчиси Тимоти Смартни қабул қилди.
Суҳбат давомида томонлар Ўзбекистон ва Британия ўртасида ҳамкорликнинг устувор йўналишларидан бири бу таълим эканини қайд этиб, икки мамлакат ўртасидаги алоқаларни янада кенгайтириш, шу жумладан, Британия ташқи ишлар вазири Дэвид Кэмероннинг Тошкентга куни кеча бўлиб ўтган ташрифи доирасида эришилган келишувларни амалга ошириш бўйича фикр алмашилди.
Шунингдек, Ўзбекистоннинг профессионал таълим муассасалари битирувчиларини Британияга ишга юбориш учун мақсадли тайёрлаш муҳокама қилинди. Элчи жорий йилдан бошлаб Британиянинг Chevening таълим грантлари сонини Ўзбекистон учун икки баробарга оширилганини мамнуният билан маълум қилди.
Учрашув якунида Британия кенгаши билан ОТМда таълим сифатини ошириш ва самарали бошқарув тизимини шакллантириш бўйича иккита лойиҳани давом эттириш, Британиянинг Pearson таълим дастурини Ўзбекистонда жорий қилиш, профессионал ва олий таълим муассасалари битирувчиларини Британияга ишга юбориш учун мақсадли тайёрлаш юзасидан Британия томонидан иш берувчилар билан алоқаларни йўлга қўйиш масалалари бўйича келишувларга эришилди.
Мавзуга оид
15:39 / 19.11.2024
Петербургда Ўзбекистон фуқаролари қонуний тарзда иш билан таъминланади
19:31 / 14.11.2024
Аэропортга ишга жойлаштириш эвазига 1,5 минг доллар олган ходим ушланди
15:20 / 14.11.2024
Ўзбекистонда етиштирилган мева ва сабзавотлар Британия бозорига экспорт қилинади
13:07 / 09.11.2024