Қозоғистонда ШҲТ давлатлари мудофаа вазирлари йиғилиши бўлиб ўтмоқда
Эрон илк бор ташкилотнинг тўлақонли аъзоси сифатида иштирок этяпти.
Қозоғистон пойтахти Остона шаҳрида Қозоғистон раислигида Шанхай ҳамкорлик ташкилотига (ШҲТ) аъзо давлатлар мудофаа вазирларининг навбатдаги йиғилиши бўлиб ўтмоқда.
Тадбирда Ҳиндистон, Эрон, Хитой, Қирғизистон, Покистон, Россия, Тожикистон, Ўзбекистон ва фахрий меҳмон сифатида таклиф этилган Беларус мудофаа вазирликлари делегациялари раҳбарлари иштирок этмоқда.
Учрашувга ШҲТ бош котиби ва ШҲТ Минтақавий аксилтеррор тузилмаси Ижро қўмитаси директори ҳам таклиф этилган.
Эрон илк бор ташкилотнинг тўлақонли аъзоси сифатида иштирок этмоқда. Бу йил Беларус ҳам аъзо бўлиши кутилмоқда.
Тадбирни Қозоғистон мудофаа вазири, генерал-полковник Руслан Жақсилиқов очиб берди. Учрашув минтақавий ва халқаро хавфсизликнинг долзарб масалалари юзасидан фикр алмашиш, ҳамкорликни янада ривожлантириш истиқболларини муҳокама қилиш учун майдон сифатидаги аҳамиятини алоҳида таъкидлади.
Учрашувда ШҲТ шаклланиши ва ривожланиши минтақада тинчлик, хавфсизлик ва барқарорликни сақлашга муҳим ҳисса қўшаётгани таъкидланди.
Мавзуга оид
14:28 / 02.10.2024
Ислоҳотларни ҳаётга татбиқ этиш учун президентга 7 йил муддат етарли — Тўқаев
12:10 / 02.10.2024
Украина мудофаа вазири тўрт ўринбосарини ишдан бўшатди
22:02 / 01.10.2024
Қозоғистон Хитойга газ етказиб беришни кўпайтириш учун яна бир газ қувури қурмоқчи
10:50 / 01.10.2024