Ўзбекистон ҳукумат делегацияси Чеченистонга ташриф буюрди
Ўзбекистон ҳукумат делегациясининг Чеченистон Республикасига ташрифи доирасида инвестициялар, саноат ва савдо вазири Лазиз Қудратов Грозний шаҳрида бўлиб ўтган 1-Кавказ инвестиция форумида иштирок этди.
Инвестициялар, саноат ва савдо вазирлиги маълумотига кўра, "Катта Кавказ: денгиздан денгизгача" деб номланган пленар сессиясида маърузачи сифатида сўзга чиққан Лазиз Қудратов икки давлат раҳбарлари томонидан ўзаро савдо ҳажмини 30 миллиард долларга етказиш бўйича қўйилган вазифани бажариш учун Ўзбекистон ва Россия ўртасидаги ҳудудлараро ҳамкорликни ривожлантириш муҳимлигини таъкидлади.
Россия Ўзбекистоннинг асосий савдо-иқтисодий ҳамкорларидан биридир. Охирги 7 йилда Ўзбекистоннинг Россия билан товар айирбошлаш ҳажми 2,5 баробар ўсди ва 2023 йил якунига кўра, қарийб 10 миллиард долларга етди. Ўзаро етказиб берилаётган товарлар таркиби юқори қўшилган қийматга эга маҳсулотлар ҳисобига сифат жиҳатидан ўзгармоқда.
Шунингдек, муносабатларни ривожлантиришнинг устувор йўналишлари қаторида саноат кооперациясини чуқурлаштириш учун янги қўшма саноат зоналарини ташкил этиш, қўшма молиялаштириш воситаларини шакллантириш, туризмни ривожлантириш, қишлоқ хўжалиги ва маданий-гуманитар соҳалардаги ҳамкорликни кенгайтириш ҳам белгиланди.
Маърузачи Россия ҳудудлари ва Россия бизнеси вакилларини Ўзбекистонда яратилган имкониятлардан унумли фойдаланиб ўзаро манфаатли янги лойиҳа ва ташаббусларни муваффақиятли амалга оширишга чақирди.
Мавзуга оид
15:50
Greenpeace: РФ ЕИга санкцияларни четлаб ўтиб денгиз орқали нефт етказяпти
15:10
Немис ОАВ Болтиқ денгизида Россиянинг жосуслиги ҳақида маълумот берди
08:40
Зеленский БМТда: Россияни тинчликка фақат мажбурлаш мумкин
22:57 / 24.09.2024