Қирғизистон президенти Ўзбекистонга келади

Садир Жапаров 18−19 июл кунлари давлат ташрифи билан Ўзбекистонда бўлади.

Фото: Президент матбуот хизмати

Қирғизистон президенти Садир Жапаров 18−19 июл кунлари давлат ташрифи билан Ўзбекистонда бўлади.

Қирғизистон раҳбари матбуот хизмати хабарига кўра, ташриф доирасида Қирғизистон раҳбари президент Шавкат Мирзиёев билан икки томонлама музокаралар ўтказади. Томонлар «ўзаро манфаатли барча соҳаларда» ҳамкорлик масалаларини муҳокама қилади.

Икки давлат раҳбарлари Қирғизистоннинг Ўзбекистондаги маданият кунларининг расмий очилиш маросимида, шунингдек, амалга оширилаётган икки томонлама лойиҳаларнинг онлайн ишга туширилишида иштирок этади.

Қирғизистон-Ўзбекистон бизнес-форуми ҳамда икки мамлакат олий таълим муассасалари ректорлари форуми ташкил этилади.