Қўшимча функционаллар
-
Тунги кўриниш
Белгияда уч чеченистонлик теракт режалаштиришда айбланди
Белгия прокуратураси тахминига кўра, гумонланувчилар ИШИДнинг «Вилояти Хуросон» афғон бўлинмаси аъзоларидир.
Белгия ҳукумати Чеченистонда туғилган уч фуқарони қироллик ҳудудида терактни молиялаш ва тайёрлашда айблади. Белгия прокуратураси 26 июл, жума куни гумонланувчилар ИШИД террорчилик гуруҳининг афғон бўлинмаси бўлмиш «Вилояти Хуросон»га алоқадор эканликларини маълум қилди.
Белгиянинг тўққизта шаҳри, жумладан Антверпен, Гент ва Лежда бир вақтнинг ўзида 14 манзилда ўтказилган кенг кўламли аксилтеррор операцияси давомида чеченистонликлар қўлга олинди. Прокуратура маълумотларига кўра, тинтувлар давомида етти киши ҳибсга олинган, улардан тўрт нафари сўроқдан кейин қўйиб юборилган. Ҳужумнинг потенциал нишони ҳақида тафсилотлар ошкор этилмаган.
Аввалроқ Германия Федерал прокуратураси ИШИДни қўллаб-қувватлаганликда гумон қилиниб, икки нафар Россия фуқароси қўлга олингани ҳақида хабар берган эди. Ҳуқуқ-тартибот идоралари ходимларининг сўзларига кўра, бу шахслар Германия ва Европа бошқа давлатларида террорчилик гуруҳига маблағ тўплаган ташкилот аъзолари бўлган.
Мавзуга оид
19:23 / 14.04.2025
Етти йилдан бери қидирувда бўлган ҳиндистонлик миллиардер Белгияда ҳибсга олинди
14:15 / 09.04.2025
Белгия Украинага миллиард евро ва F-16 қирувчиларини беради
12:03 / 03.04.2025
Белгия ҳукумати «коррупция ва пул ювиш» жиноятлари доирасида мусодара қилинган 108 млн долларни Ўзбекистонга қайтармоқчи
18:44 / 02.04.2025