Ўзбекистон ташқи ишлар вазири ЮНИCЕФ ваколатхонаси янги раҳбарини қабул қилди
Ўзбекистон ташқи ишлар вазири Бахтиёр Саидов БМТ Болалар жамғармаси ваколатхонаси (ЮНИCЕФ) раҳбари Реҳина Мария Кастижио билан учрашди.
"ЮНИCЕФнинг Ўзбекистондаги ваколатхонаси раҳбари Реҳина Мария Кастижио хоним билан учрашув ўтказдик, – деб ёзди Ўзбекистон ТИВ раҳбари. – Қўшма лойиҳалар сони ва кўлами кенгаймоқда. Дарҳақиқат, ўғил-қизларимиз учун қулай шарт-шароит яратиш мамлакатимиз равнақи ва барқарор ривожланишига қўйилган энг муҳим инвестициядир. Ташқи ишлар вазирлиги ЮНИCЕФнинг Ўзбекистон ҳукумати билан ҳамкорликда болаларимиз учун яхши келажак яратиш йўлида мамлакатимиздаги фаолиятини қўллаб-қувватлашда давом этади".
Никарагуа фуқароси Реҳина Мария Кастижио ушбу лавозимга тайинланишдан аввал ЮНИСEФнинг Хорватия ва Парагвайдаги ваколатхоналари раҳбари лавозимларида ишлаган.
У 2020–2023 йилларда ЮНИСEФнинг Ўзбекистондаги ваколатхонасини бошқарган Мунир Мамедзаде ўрнига тайинланган.
Мавзуга оид
15:03 / 05.09.2024
Ташқи ишлар вазири БМТ бош котиби махсус вакилини қабул қилди
16:38 / 30.08.2024
Ўзбекистон ташқи ишлар вазири UNFPA доимий вакили билан учрашди
09:26 / 22.08.2024
Ўзбекистон ташқи ишлар вазири БМТ махсус маърузачиси билан учрашди
10:23 / 20.08.2024