Ўзбекистон президенти махсус вакили Франция қуролли кучлари делегацияси билан учрашди
Ўзбекистон президентининг Афғонистон бўйича махсус вакили Исматулла Эргашев Франция Қуролли кучлари вазирлигининг Халқаро алоқалар ва стратегия Бош бошқармасининг Европа, Шимолий Америка ва кўп томонлама ҳаракатлар хизмати раҳбари Александр Эскорсиа бошчилигидаги делегация билан учрашув ўтказди.
ТИВ маълумотига кўра, мулоқотда Афғонистондаги мавжуд вазият, шунингдек, афғон инқирозини ҳал қилиш йўлларини излаш юзасидан фикр алмашилди.
Томонлар чегараларни мустаҳкамлаш, терроризм ва наркотик моддаларнинг ноқонуний айланишига, қурол-яроғ контрабандасига қарши курашиш каби соҳаларда саъй-ҳаракатларни мувофиқлаштириш зарурлигига келишиб олдилар.
Александр Эскорсиа Ўзбекистоннинг минтақавий барқарорлик ва хавфсизликни таъминлашдаги муҳим ролини қайд этди. Келгусида ҳам самарали ҳамкорлик давом этишига ишонч билдирди.
Мавзуга оид
09:10
РФда Франция фуқароси уч йиллик қамоқ жазосига ҳукм қилинди
15:00 / 14.10.2024
Франция радиоактив чиқиндиларни қозон ва вилкаларга айлантиришни режалаштирмоқда
20:45 / 30.09.2024
Францияда Марин Ле Пен устидан суд бошланди
20:25 / 22.09.2024