Қўшимча функционаллар
-
Тунги кўриниш
Уммон Ўзбекистондан қишлоқ хўжалиги маҳсулотларини импорт қилмоқчи
Ўзбекистон элчихонаси раҳбарияти Уммоннинг Жанубий аш-Шарқия муҳофазаси (вилояти) ҳокими Яҳъё бин Бадр ал-Мавали билан учрашув ўтказди.
Фото: "Дунё" АА
Мулоқот чоғида Ўзбекистон-Уммон муносабатларининг ҳозирги ҳолати ва уни янада ривожлантириш истиқболлари муҳокама қилинди.
Жанубий аш-Шарқия муҳофазаси ҳокимига Сирдарё вилояти билан ҳудудлараро алоқаларни йўлга қўйиш, ушбу масалаларни муҳокама қилиш мақсадида муҳофаза делегациясининг юртимизга ташрифини уюштириш, икки вилоят тадбиркорлари иштирокида бизнес-форум ўтказиш таклифи билдирилди.
Ҳоким Яҳъё бин Бадр ал-Мавали билдирилган таклифларни қўллаб-қувватлашини ва мамлакатларимиз ўртасида ривожланиб бораётган алоқаларга ўз ҳиссасини қўшишга тайёрлигини билдирди. У, шунингдек, Ўзбекистондан қишлоқ хўжалиги маҳсулотларини импорт қилиш имкониятлари мавжудлигини ҳам таъкидлади.
Ўзбекистон дипломатлари, шунингдек, Уммон Савдо-саноат палатасининг Жанубий аш-Шарқия муҳофазаси бошқармаси раҳбари Анвар ас-Сананий ва ҳудуд тадбиркорлари билан учрашдилар. Унда Ўзбекистонда яратилган қулай инвестициявий муҳит ва инвесторларга берилаётган имкониятлар, мамлакатимизга сармоя киритишнинг афзалликлари борасида атрофлича маълумот берилди. Уммонлик тадбиркорлар Ўзбекистон билан савдо-иқтисодий алоқаларни ўрнатишга чақирилдилар.
Мулоқот якунида жорий йилда Сирдарё вилоятида Ўзбекистон-Уммон бизнес-форумини ўтказиш юзасидан аҳдлашиб олинди.
Мавзуга оид
12:10 / 20.11.2024
Ўзбекистонда фойдаланиладиган сув ресурслари 90 фоизи қишлоқ хўжалигига тўғри келяпти
11:37 / 20.11.2024
Ўзбекистон қишлоқ хўжалигида импортни 50 фоизга қисқартириш режалаштирилмоқда
21:20 / 19.11.2024
Қишлоқ хўжалиги кооперативлари ҳақидаги узоқ кутилган қонун имзоланди. Соҳада нима ўзгаради?
15:02 / 19.11.2024