Оролбўйи минтақасида тиббий хизмат сифати оширилади

“Оролбўйи минтақасида тиббий хизмат сифатини ошириш” лойиҳаси бўйича қуйидагилар тасдиқланди:

• лойиҳасининг асосий техник-иқтисодий кўрсаткичлари;
• лойиҳани амалга ошириш доирасида KfW банкининг қарзларини қайтариш, шу жумладан, қўшимча ҳақ ва фоизлар тўлашнинг прогноз жадвали;
• Қорақалпоғистон Республикаси ва Хоразм вилояти тиббиёт муассасалари учун харид қилинадиган тиббий жиҳозлар тақсимоти;
• харид қилинадиган махсус автотранспорт воситаларининг ҳудудлар бўйича тақсимоти.

Соғлиқни сақлаш вазирлиги Лойиҳани ўз вақтида амалга ошириш ҳамда мувофиқлаштириш, грантлардан мақсадли ва самарали фойдаланиш бўйича масъул ижро этувчи орган ҳисобланади.

Соғлиқни сақлаш вазирлиги ҳузуридаги “Харидлар маркази” давлат муассасаси Лойиҳани амалга ошириш доирасида тузилган шартномалар бўйича юк қабул қилувчи контрагент ҳисобланади.

Адлия вазирлиги Ўзбекистон ва KfW банки ўртасида имзоланган қарз ва грант битимлари бўйича юридик хулоса беради.