Путин Россиянинг дўстлари қаерда борлигини айтди

Россия президенти Владимир Путин «Движения первых» ҳаракати кузатув кенгаши йиғилишида Россиянинг дўстлари кўп эканини маълум қилди.

«Ғарбда ҳам, шарқда ҳам, шимолда ҳам, жанубда ҳам бор. Бутун дунёда бор. Аслида бизни тушунмайдиганлардан кўра кўпроқ дўстларимиз бор. Биз ҳозир айтиб ўтган Ғарбда ҳам дўстларимиз бор, Россияни тушунмайдиганлар ҳам бор. Лекин бу бизни яшаш ва ривожланишимизга тўсқинлик қилмайди. Бу бизни тушунадиган ва тинч яшашни хоҳлайдиган одамлар сони ортиб боришига илҳомлантириши керак», деди Путин.

Россия президенти худди шундай баёнотни 2023 йилда Волгоградда, Сталинград жангидаги ғалабанинг 80 йиллигига бағишланган концертда ҳам берган эди. Путиннинг таъкидлашича, Россия яна бир бор Ғарбнинг коллектив тажовузига қарши курашишга мажбур. Аммо «Россия ҳали ҳам бутун дунёда, жумладан Шимолий Америка ва Европада кўплаб дўстларга эга».