BMW автоматик бошқариладиган родстер прототипини намойиш этди

BMW компанияси Лас-Вегасда ўтаётган CES-2016 кўргазмасида i Vision Future Interaction ҳайдовчисиз бошқариладиган автомобиль прототипини намойиш этди. i8 Spyder концептуал родстери негизига қурилган янги машина автоном бошқариладиган машиналар интерьери қандай кўринишга эга бўлиши мумкинлигини намойиш этиб беради.

Концепт-кар янги авлод проекцион дисплейига эга бўлди. Ушбу дисплей ҳаракат тезлиги, тезлик чекловлари, навигатор кўрсаткичларини акс эттиради.

Олд панелда катта 21 дюймли экран жойлашиб, у йўл шароитлари ҳамда ҳаракатнинг бошқа иштирокчилари ҳақидаги ахборотни акс эттиради. Машина бутунлай автоном ҳаракатланганида экран орқали фильмлар кўриш ёки интернетга кириш мумкин бўлади.

Олдинда имо-ишораларни таниш датчиклари ўрнатилган бўлиб, улар қўл ҳаракатлари асосида бошқарувни белгилаб беради.

BMW i Vision Future Interaction уч режимда ҳаракатланади: Pure Drive, Assist Mode ва Auto Mode. Биринчи ҳолатда бошқарув ҳайдовчи назорати остида бўлади, иккинчи режимда бир қатор ёрдамчи тизимлар ишга туширилади. Ниҳоят, учинчи режимда машина мустақил ҳаракат қилади: электроника руль бошқарувини, акселератор ва тормозни назорат қилади. Бу режимда руль гардишида кўк рангли датчиклар ёнади, улар машина ҳайдовчи бошқарувисиз ўта олмайдиган йўл участкаларига яқинлашганида қизил тусга киради.