Аллегри «Ювентус» билан шартномасини 2018 йилнинг 30 июнигача узайтирди

Кутилганидек, 6 май куни «Ювентус» жамоаси бош мураббийи Массимилиано Аллегри туринликлар клуби билан шартномасини узайтирди. «Кўҳна синьоралар» жамоасининг расмий сайтида маълум қилинишича, 48 ёшли мутахассис билан янги шартнома 2018 йилнинг 30 июнига қадар узайтирилган. Унинг амалдаги шартномаси муддати 2017 йилнинг ёзига қадар эди.

Итальян ОАВида бундан олдинроқ янги шартномага кўра Аллегри йилига 5 млн евро миқдорида маоши олиши ҳақида хабарлар берилганди.

Аллегри «Ювентус»ни 2014 йилдан буён бошқариб келмоқда, унинг бош мураббийлигида жамоа 2 марта Италия чемпиони ва бир марта Миллий Кубркка эга чиққан.