Ироқ бош вазири Бағдод шаҳри хавфсизлик хизмати раҳбарини вазифасидан озод этди
Ироқ ҳукумати раиси Ҳайдар ал Абади Бағдод шаҳри хавфсизлик хизмати раҳбари Аббуд Канбарни вазифасидан четлаштирди, деб хабар қилмоқда Associated Press.
Пойтахт аҳолисининг шаҳар хавфсизлигига оид норозилик кайфияти кучайиб бораётгани, ҳукуматнинг кескин қарор қабул қилишига сабаб бўлган. Ўтган ҳафтада, Бағдодда амалга оширилган хунрезликларда 290га яқин одам қурбон бўлган эди. Расмий маълумотларга кўра, ҳалок бўлганларнинг сони 186 нафарни ташкил этади.
Ал Абадийнинг баёнотида, террор таҳдидига қарши янги чоралара кўрилгани таъкидланган бўлса-да, уларга ойдинлик киритилмаган.
Қайд этиш жоизки, Канбар вазифасидан бўшатилгач, бир неча соат ўтиб, Ироқ пойтахтида яна бир теракт содир этилган. Шиалар мақбарасида содир этилган портлашда 37 киши ҳалок бўлган.
Мавзуга оид
10:06 / 12.09.2024
Самарқандда газ портлаган «дом» аҳолиси эвакуация қилинмоқда
21:57 / 07.09.2024
АҚШ Ироқдан қўшинларини олиб чиқиш санаси маълум бўлди — ОАВ
20:44 / 03.09.2024
Швейцария 33 йилдан кейин Ироқдаги элчихонасини қайта очди
20:52 / 30.08.2024