Хитой "янги даврнинг суперкомпьютери"ни ишлаб чиқишга киришди

Фото: AP

Хитой "янги давр суперкомпьютери"нинг бир қисми бўладиган тажриба ҳисоблаш машинасининг намунасини ишлаб чиқиш ишларини бошлаб юборди, деб хабар қилмоқда Синьхуа агентлиги.

Тяньцзинь шаҳридаги Хитой суперкомпьютерлар давлат маркази, Хитой армиясининг Мудофаа фанлари ва техникаси Университети билан ҳамкорликда 2020 йилга келиб янги авлод суперкомпьютерини ишлаб чиқмоқчи. У, бир сонияда квинтиллион (мингта квадриллион) ҳисоблашни амалга ошира олади.

Ҳозирги вақтда Хитой ва жаҳондаги энг тезкор ҳисоблаш машинаси Sunway TaihuLight суперкомпьютери бўлиб, у сониясига 93 квадриллион амалиётни бажара олади.

#Хитой #суперкомпьютер #Sunway TaihuLight

Kun.uz янгиликларини Google News'да кузатинг

+ Обуна бўлиш