Рио-2016: Ҳасанбой Дўстматов ярим финалда америкалик боксчига қарши рингга кўтарилади

Бразилиянинг Рио-де-Жанейро шаҳрида бўлиб ўтаётган 31-Ёзги Олимпиада ўйинларининг бокс тури бўйича беллашувлари қизғин давом этмоқда.

10 август куни Ўзбекистон жамоаси аъзоси Ҳасанбой Дўсматов чорак финалда Қозоғистон вакили Биржан Жакипов билан баҳс олиб борди. Айтиш мумкинки, муросасиз кечган жангда Ҳасанбой рақибига ҳеч қандай имкон қолдирмади - 3:0 (30:27, 30:27, 30:27).

Ҳасанбой Дўстматовнинг ярим финалдаги рақиби америкалик боксчи Нико Эрнандез бўлди. Иккала боксчи ўртасидаги жанг 12 август куни, Тошкент вақти билан 20:15 да бўлиб ўтади.