Ижтимоий тармоқ фойдаланувчилари 89 ёшли музқаймоқчи учун 300 минг доллар йиғишга муваффақ бўлишди
Facebook тармоғида оиласининг ночор молиявий аҳволи туфайли ишлашга мажбур бўлган 89 ёшли музқаймоқчининг суратлари тарқалганидан кейин ижтимоий тармоқ фойдаланувчилари у учун краудфандинг сайти орқали 300 минг доллардан ортиқ пул йиғишди. BuzzFeed бу ҳақида маълум қилди.
Сентябрнинг бошида Чикагода истиқомат қилувчи Жоэл Сервантес Масиас ўзининг фейсбукдаги саҳифасида шаҳар кўчаларида аравада музқаймоқ сотиб юрган қариянинг сурати билан бўлишди. Муаллифнинг сўзларига кўра, йўловчилар музқаймоқчига ҳеч қандай эътибор қаратишмаган ва бу "унинг кўнглини вайрон қилган".
"Бу ёшда нафақага чиқиб, дам олиш ўрнига тер тўкиб ишлаётган кишига қарай олмадим. Мен ундан 20 пачка музқаймоқ харид қилдим, 50 доллар бердим ва дуо қилиб, кетдим".
Жоэл Сервантес Масиас
Ушбу сурат ижтимоий тармоқ фойдаланувчиларининг диққатини тортди. Пост чиққанидан бир кун ўтиб, Масиас GoFundMe деб номланган краудфандинг кампаниясини йўлга қўйди. У музқаймоқчининг дам олиш кунлари мазмунли ўтишини таъминлаш мақсадида 3 минг доллар йиғишни мўлжаллаган эди.
Ғоя Масиас ўйлагандан-да муваффақиятли чиқди ва тўрт кун ичида тармоқ фойдаланувчилари музқаймоқчи учун 300 минг доллар йиғишди.
Мавзуга оид
09:50 / 01.10.2024
АҚШга ишга юборишини айтиб пул олганлар ушланди
15:21 / 25.09.2024
Муаммолар оғушидаги “олтин давр”: талабаларнинг ўқишга вақти борми ўзи?
09:30 / 24.09.2024
Литва билан Ўзбекистоннинг 200 нафар фуқаросини ишга жойлаштириш тўғрисида келишувга эришилди
16:21 / 16.09.2024