Австралияда сигир жуда пастлаб учаётган вертолётни қулатди

Австралиянинг Квинсленд штатида сигир Robinson R22 вертолёти билан тўқнашди. Бу ҳақда Brisbane Times хабар берган.

Бу ҳодиса Коэн шаҳри жанубида рўй берган.

Нашр маълумотига кўра, икки ўринли вертолёт ерга жуда пастлаб учаётганди ва сигирлардан бирининг шохи унга илиниб қолган. Учувчи жониворни халос қилишга уриниб, бошқарувни йўқотган.

Вертолёт ерга қулаган ва ёниб кетган.

Штат полицияси бу ҳодиса бўйича текширув ўтказган.

Хабарда ёзилишича, бу ҳодисадан сигир ҳам учувчи ҳам омон қолган.

Австралияда Robinson R22 каби кичик вертолётлардан фойдаланишади. Бу вертолётлар жуда пастлаб уча олади ва шу орқали сигирлар подаларини назорат қилиш қулай.