Хитойда содир бўлган кўчки оқибатида 20га яқин инсон ҳалок бўлди

Хитой шарқидаги Чжэцзян вилоятида юз берган табиий офат оқибатида 20та уй вайрон бўлиб, 18 киши ҳаётдан кўз юмди, деб хабар қилмоқда «Синьхуа» агентлиги.

Яна 9 киши бедарак йўқолгани айтилмоқда. Ҳодиса, ўтган ойнинг охирида Лишуй шаҳар округининг Суцунь қишлоғида юз берган. Аҳоли пунктини 400 минг куб метрлик тоғ кўчкиси босиб қолган. 

Фожиа жойида қидирув-қутқарув ишлари олиб борилаяпти. Унга 1684 киши жалб этилган. Шу пайтгача 1460 фуқаро кўчирилган.