Қўшимча функционаллар
-
Тунги кўриниш
Хитой бошқарилувчи коинот кемасини фазога учирди
Хитой ер атрофи орбитасига бортида иккита тайконавт (фазогир) бўлган "Шэньчжоу-11" бошқарилувчи коинот кемасини учирди. Кема парвози CCTV телеканали орқали намойиш қилинган.
Кема Тошкент вақти билан 04:30 да Ганьсу вилоятидаги Цзюцюань космодромидан "Чанчжэн-2F" ракета-ташувчи ёрдамида коинотга юборилган.
Кема бортида экипаж сардори Цзин Хайпэн ва унинг шериги Чэнь Дун бор. Хайпэн аввалроқ 2008 йил ва 2012 йилларда коинотга сафар уюштирган.
"Шэньчжоу-11" орбитада 15 сентябрда учирилган "Тяньгун-2" коинот лабораторияси билан туташиши керак. Бу ерда фазогирлар тиббий, илмий ва бошқа тажрибалар ўтказадилар.
Ҳаммаси бўлиб тайконавтлар орбитада 33 кун бўладилар, ундан 30 кунини лабораторияда ўтказадилар. Улар шу тариқа Хитой космонавтикаси тарихида орбитада энг узоқ қолиш бўйича рекорд ўрнатадилар.
2017 йил апрелда биринчи Хитой юк кемаси "Тяньчжоу-1" станцияга ёқилғи ва озиқ-овқат етказади.
Мавзуга оид
19:43 / 27.05.2025
Хитойдаги кимёвий заводда портлаш содир бўлди
18:42 / 26.05.2025
Хитойда роботлар илк бор рингда бир-бири билан олишди
17:57 / 26.05.2025
Хитой «исталган вақтда» Тайванга ҳужум қилишга қодир — FT
13:15 / 26.05.2025