Трамп АҚШ президенти сайловлари натижаларини бир шарт билангина тан олишга ваъда берди

Фото: © AP

АҚШ президенти лавозимига номзод Дональд Трамп АҚШ президенти сайловлари натижаларини бир шарт билангина тан олишга ваъда берди. У бу шартни Огайодаги республикачилар тарафдорлари намойишида айтиб ўтди, деб хабар бермоқда CNN.

"Мен барча сайловчилар ва тарафдорларимга, АҚШнинг барча аҳолисига буюк ва тарихий президентлик сайловларининг натижаларини бир шарт билангина тан олишимга ваъда бераман... агар унда ғолиб бўлсам", деб айтди Трамп.

Аввалроқ Хиллари Клинтон билан якуний теледебатларда Трамп агар сайловларда ютқазадиган бўлса, унинг натижаларини тан олмаслигини айтган.