Россияда Ўзбекистон фуқароси ўз ўғлини 820 минг рублга сотиб юбормоқчи бўлди

Санкт-Петербург тергов қўмитаси Россияга Ўзбекистондан келган аёл ишини кўриб чиқди. 34 яшар аёлга нисбатан ўз боласини сотиш айби қўйилган.

Олди-сотди жорий йилнинг март ойида бўлиб ўтган. Аёл ўз фарзандини сотиш учун харидор қидирган. Аммо полиция ўз вақтида жиноятчини қўлга олишга муяссар бўлган. У билан келишиш учун ҳуқуқ-тартибот органи ходими жўнатилган ва шунда аёл қўлга тушган.

Аёл боласи учун 820 минг рубль сўраган. Пулни олаётган вақт қўлга олинган.

Аёлга нисбатан жиноят иши қўзғатилган. Терговчилар октябрь ойи сўнгида барча далиллар базасини тўплашган. Унга кўра, аёл айбдор деб топилиб, барча ҳужжатлар прокуратурага оширилган.

Яқин кунларда Ўзбекистон фуқароси бўлмиш ушбу аёлнинг суди бўлиб ўтади.