Хитойлик овқат ейишга мўлжалланган таёқчалардан қадимий ибодатхона миниатюрасини яратди

Хитойнинг Хэбэй провинциясида яшовчи киши овқат ейишга мўлжалланган 15 минг таёқчадан қадимий ибодатхонанинг миниатюра нусхасини яратди. Унинг меҳнати самараси тасвирланган  видео New China TV'нинг YouTube-канали орқали тақдим этилди. 

Моделни яратиш учун Чжан Цзимунга тўрт ярим йил керак бўлди. Роликдаги ёзувларга кўра, хитойлик ўз "асари"ини яратишда бирор марта ёғоч учун елим ёки лакдан фойдаланмаган.