Еврозонада ишсизлик даражаси етти йил аввалги кўрсаткичга қайтди

Евроҳудуддаги ишсизлик даражаси жорий йилнинг октябрида 9,8 фоизга тушди. Сентябрда эса бу кўрсаткич 9,9 фоиз эди, деб хабар қилмоқда Eurostat.

Маълум бўлишича, 2015 йилнинг октябрида еврозонадаги ишсизлик 10,6 фоизни ташкил қилган.

Европа иттифоқида ишсизлик даражаси октябрда 8,3 фоизга пасайди. Сентябрда эса у 8,4 фоиз га тенг эди.

Таъкидланишича, ишсизликнинг энг кам даражаси Чехия (3,8 фоиз) ва Германия (4,1 фоиз)да, энг кўп эса – Греция (23,4 фоиз) ҳамда Испания (19,2 фоиз)да кузатилган.