Англияда яна драма. «Ливерпуль» «Борнмут»дан 15 дақиқада 3та гол ўтказиб имкониятни бой берди

Англия премьер-лигасининг 14-туридан ўрин олган яна бир учрашув ниҳоясига етди. Драматик руҳда кечган учрашувда жамоалар жами еттита гол киритишди.

«Виталити — Дин Корт» стадионида кечган учрашувда мезбонлар аввалига 0:2, кейин 1:3 ҳисобларида имкониятни бой бера турибди. Сўнгги 15 дақиқа ичида 3та гол киритди ва 4:3 ҳисобида ғалаба қозонди. 

Меҳмонлардан голларга Садио Мане, Дивок Ориги ва Эмре Жан муаллифлик қилган бўлса, мезбонлардан Каллум Уилсон, Райан Фрейзер, Стив Кук ва Натан Аке ўз ҳисобларига биттадан гол ёзиб қўйишди.

Ушбу натижадан кейин «Ливерпуль» 30 очко билан 3-ўринга тушиб кетди. Энди жамоа пешқадам «Челси»дан 4 очко ортда қолмоқда. «Борнмут» (18 очко) 10-поғонани банд этган. 

Англия Премьер-лигаси
14-тур
Борнмут – Ливерпуль – 4:3 (0:2)
Голлар: Мане, 20 (0:1); Ориги, 22 (0:2); Уилсон, 56 (1:2, пен); Джан, 64 (1:3); Фрейзер, 76 (2:3); Кук, 78 (3:3); Аке, 90+3 (4:3).

Борнмут: Боруц, Фрэнсис, Аке, Смит, Кук, Артер, Гослинг (Афобе, 75), Уилшер, Станислас (Фрэйзер, 55), Кинг (Айб, 46), Уилсон.
Ливерпуль: Кариус, Милнер, Ловрен, Клайн, Вейналдум, Лейва, Мане (Лаллана, 69), Жан, Фирмино, Хендерсон, Ориги.
Огоҳлантиришлар: Уилшир, 48; Фрэнсис, 50 – Хендерсон, 53; Жан, 87.